Programación pa Primer Ciclu de la ESO
1. PROPUESTA.
“Una preba d’actuación”
Motivación-introducción:
Aportó a la ciudá un equipu de cine pa rodar una película. El direutor anda a la gueta d’actores y actrices, pa lo cualo convoca prebes d’actuación ente la población. Los aspirantes tienen de presentar: semeya de cuerpu enteru, curriculum lleíu ante’l direutor y preba d’actuación de dos mintuos de duración sobre un papel escoyíu pol/a aspriante.
2. PROGRAMACIÓN
2.I. Oxetivos
• Espresase oralmente y por escrito con pertinencia, coherencia y correición, pa lo que tien d’adecuase’l discursu propiu a les necesidaes y finalidaes de cada situación de comunicación, esfrutando col usu de la llingua asturiana y amosando respetu polos aspeutos normativos.
• Conocer los recursos espresivos non verbales ya identificalos nos intercambios comunicativos onde complementen, refuguen o reemplacen el discursu verbal, decatándose de la ventaya que supón na negociación de significaos.
• Comprender el papel fundamental que los medios de comunicación desempeñen na nuesa sociedá, analizando les sos característiques, la so función y los sos recursos, col envís d’ampliar les destreces discursives propies, y desendolcar una disposición favoratible a emplegalos, tanto en situaciones d’emisores como de receptores, y amosar actitúes crítiques ante los sos mensaxes.
2.II. Conteníos
• Primer nivel de descripción
- Entrevistes y simulación de les mesmes
- Participación en debates
- Producción de guiones téunicos
• Segundu nivel de descripción
i. (OC) Operaciones comunicatives
ii. (AF) Actos de fala
36. Ellaboración de proyeutos:
(OC1) Planificación de la propia aición
(AF2) Redactar planes de trabayu
(OC3) Discutiniu y evaluación de proyeutos coleutivos
(AF1) pidir y espresar opiniones
(OC4) Toma de decisión en proyeutos coleutivos
(AF1) Mostrar alcuerdu o desalcuerdu
(AF2) Donsentir o disentir
(AF3) Establecer alcuerdos
45. Producción de guiones téunicos.
(OC4) Ellaborar el guión
(AF2) Negociar el mediu d’espresión, el formatu y l’actividá concreta
(AF3) Distribuir responsabilidaes y papeles
(AF5) Escribir el guión-testu
(AF6) Aprobar el rsultáu final
48. Entrevistes y simulación d’entrevistes.
(OC1) Toma de contautu
(AF1) Saludar
(AF2) Presentase
(OC3) Despidida
(AF1) Agradecer
(AF2) Saludar
• Tercer nivel de descripción
i. Instrumentos: 36, 43 y 48. Ellaboración de proyeutos y simulación d’entrevistes. Escenificación de testos lliterarios.
- Emplegu de la tilde.
- Apostrofación y contraiciones.
- Usu de les comines.
iii. Nivel morfosintáuticu y discursivu:
- interrogación direuta ya indireuta.
- Verbu: presente, pasáu y futuru.
- L’estilu dramáticu y declamatoriu
iv. Nviel lésicu-referencial:
- Espresiones afirmatives, negatives y dubiatibles.
- Saludos y despidíes.
v. Nivel sociollingüísticu, sociocultural y estratéxicu:
- l¡L’asturianu como vehículu pa organizar idees y proyeutos.
• Cuartu nivel de descripción
Bloques y tipos de conteníos del ámbitu: Ámbitu Social.
A. Usos y formes de la comunicación
CONCEUTOS:
- Intenciones y actos de comunicación en lligua oral y escrita propios de situaciones básiques de producción y negociación de la significación nel ámbitu públicu: saludos, piticiones d’información, identificación y llocaclización de persones, narración, argumentación, espresión d’opiniones y necesidaes, agradecimientu, pitición d’escuses.
- Vocabulariu y estructures llingüístiques necesaries pa resolver oralmente y per escrito, con coherencia y afayaízamente, les interaiciones comunicatives arreyaes a los actos de fala indicaos, nos contestos temáticos del ámbitu públicu.
- La diversidá de testos na comunicación n’asturianu (orales, escritos, verbales y non verbales).
PROCEDIMIENTOS:
- Participación activa, oral y escrita, emplegando recursos verbales o non verbales
- Identificación, comprensión y utilización de les estratexes básiques verbales y non verbales de la comunicación n’asturianu, que permiten interactuar afayaízamente nesi mesmu ámbitu, anque nun se posea un nivel lésicu y morfosintáuticu adecuáu.
- Emplegu autónomu de dellos recursos y fontes d’información escrita y audiovisual n’asturianu (biblioteca, folletos, prospeutos, prensa, vídeu, discos interactivos...) pa satisfacer necesidaes concretes d’información y deprendimientu.
ACTITÚES:
- Interés pol comentariu de testos informativos y publicitarios en llingua asturiana.
- Reconocimientu y valoración positiva de la importancia de saber falar y escribir con coherencia y correición.
- Gustu por realizar xuegos coleutivos y xeres lúdiques de simulación nel aula propies de la vida pública.
- Interés por participar n’actividaes comunicatives y pluripersonales.
- Esfrute como receptores de los distintos productos culturales ufiertaos en llingua asturiana.
B. Aspeutos socioculturales
CONCEUTOS:
- Aspeutos sociales y culturales necesarios pa comunicar afayaízamente n’asturianu nes situaciones d’ámbitu públicu: entonaciones, mímica y xestos qu’acompañen a la espresión oral, asina como grafismu, imáxenes y logotipos qu’acompañen a la espresión escrita.
- Medios de comunicación y publicidá: la so incidencia sobre’l comportamientu llingüísticu de la sociedá. Medios de comunicación y mocedá: programes de televisión.
- Presencia pública del asturianu: películes, anuncies nos periódicos, folletos d’instrucciones...
PROCEDIMIENTOS:
- Reconocimientu y emplegu contestualizáu de les riegles y hábitos culturales propios de la comunicación social coleutiva na comunidá asturiana.
- Emplegu de materiales procedentes de delles fontes de la realidá asturiana rellacionaos cola vida social del alumnáu.
- Análisis críticu de los comportamientos socioculturales qu’impliquen discriminación o rechazu.
ACTITÚES:
- Interés por emplegar la llingua asturiana nes rellaciones sociales, asina como reconocer los dixebraos comportamientos verbales y non verbales propios de les variaes situaciones de comunicación.
- Valoración de los comportamientos sociollingüísticos que faciliten les rellaciones de convivencia: usu de fórmules de cortesía, xestos, tonu de voz...
C. Reflexón sobre la llingua
CONCEUTOS:
- Elementos llingüísticos y non llingüísticos de la comunicación oral nel asturianu: pronunciación, ritmu y entonación, xestu, postura y movimientu corporal...
- La llingua como productu y procesu social y cultural en cambiu permanente.
- La norma llingüística.
PROCEDIMIENTOS:
- Identificación, reconocencia ya emplegu de les formes gramaticales que permiten producir y negociar afayaízamente los significaos nos contestos, situaciones y operaciones comunicatives del ámbitu públicu.
- Indagación sobre la variación del significáu de les palabres según los distintos contestos.
- Reconocencia y emplegu de les estratexes básiques de comunicación n’asturianu, yá seyan de tipu verbal o non verbal, que faciliten la comunicaión.
ACTITÚES:
- Aceptación y respetu de les normes básiques de la llingua asturiana.
- Apreciu pola calidá de los testos propios y ayenos como mediu p’afitar una comunicación clara.
- Valoración de la llingua como productu y procesu soiciocultural qu’evoluciona y como vehículu de tresmisión y creación cultural.
D. Reflexón sobre los procesos de deprendimientu
CONCEUTOS:
- Les condiciones de deprendimientu y la so rellación col ambiente que lu arrodia.
- Sistemes pa recibir, almacenar y tresmitir información.
PROCEDIMIENTOS:
- Análisis de les estratexes comunicatives p’aniciar, manterner o finalizar los intercambios informativos profesor-alumnu o alumnu-alumnu.
- Identificación y descripción d’estratexes d’organización y presentación de la información.
- Diálogu sobre les actividaes del aula y sobre’l clima de trabayu de los grupos y de la clase en xeneral.
ACTITÚES:
- Actitú positiva pa cola toma de conciencia de les estratexes de trabayu personal y de grupu.
- Actitú positiva pa coles actividaes de clase más afayaíces pa desendolcar la competencia comuncativa y pa la superación de los problemes que puedan surdir nel procesu de deprendimientu.
2.III. Evaluación
- Al entamu del procesu. Col nome d’alderique, plantégase una evaluación d’aniciu que tien como fines: per un llau, motivar a la clase de cara a les actividaes que van proponese; y amás, servirá-y al profesor pa evaluar los conocimientos previos de los alumnos/es sol tema cinematográficu y el nivel de fala.
- A lo llargo del procesu. Dirán grabándose en videu/magnetofón dellos momentos que se señalarán oportunamente, col envís de que’l profesor pueda dir evaluando aspeutos significativos del procesu y, tamién, pa qu’ellos mesmos puedan vese y/o escuchase y facer les oportunes correiciones (autoevaluación). Asina mesmo, servirán d’evaluación los diferentes materiales, orales o escritos, que vayan produciendo.
- A lo cabero del procesu. Pasaráse revista a tolo fecho: producciones orales, escrites, intervenciones, simulaciones. Tou esti material tará reflexáu nes llibretes o nes cintes grabaes.
Los criterios d’evaluación d’esta unidá didáutica van ser:
- Consideraráse qu’una interaición comunicativa ye susceptible d’evaluación positiva, cuando la finalidá de la mesma se consiga emplegando la llingua asturiana, anque nun se demuestre un dominiu perfechu de la mesma.
- Tamién cuando, en llinies xenerales, los componentes de los grupos interactúen ente ellos negociando los actos de fala con vistes a un fin común.
- Asina mesmo, si los grupos son quien a resumir, oralmente o por escrito, l’actividá fecha y el procesu lleváu a cabo pa llogralo.
Actividaes:
- Participar activamente n’intercambios sociales de producción y negociación de significaos carauterísticos del ámbitu trabayáu, nos que tean implicaes toes o dalguna de les cuatro destreces, mostrando comprensión de les riegles sociollingüístiques en rellación con distintos tipos de discursu y de testos y capacidá pa producir actos de fala formulaos llingüísticamente nel respetu d’aquelles riegles.
- Participar en conversaciones y debars emplegando axeitadamente les estratexes p’aniciar, caltener y facer progresar afayaízamente la interaición comunicativa.
- Captar el sentíu de testos orales y escritos propios de consignes, modos d’usu, medios de comunicación...
- Producir con correición llingüística y ensin interferencies d’otres llingües mensaxes orales y escritos pa usu públicu.
- Tomar y redautar notes col envís de resumir el discursu oral o escritu d’otros o de planificar xeres pa ún mesmu o pa los demás.
3. DESENDOLQUE DE L’ACTIVIDÁ
Material que tendremos preparao de mano:
- La “noticia” de la preba d’actuación, redactada en papel recicláu (que ye’l que más s’asemeya al de periódicu) y convenientemente pegada nun periódicu.
- La cámar de videu o la grabadora con tolos preseos necesarios, incluyendo un pequeñu guión técnicu pa les grabaciones.
I. Alderique.
Trátase de dar a conocer la “noticia” qu’apaez nel periódicu, sobre la preba d’actuación, y a partir d’ehí facer un alderique col alumnáu sobre’l cine, los actores y actrices, el so trabayu, los directores, el so trabayu, los gustos en películes, lo que cuesta facer una película, les prebes d’actuación pa contratar actores... Pa finar ufriéndo-yos la posibilidá de ser actores/actrices per un día.
Agora ye’l momentu de llegar a alcuerdos cola clase pa llevar a cabo l’actividá, facer los equipos necearios, encargar xeres, llegar a alcuerdos dientro los equipos pa repartir papeles, etc...
Trátase de que, por equipos, preparen a un/a actor o actriz, la so personalidá, el papel que va representar, la ropa, el curriculum, la entrevista col direutor (que va ser el profesor) y la representación de dos minutos pa la prueba.
Tol alderique tien de ser grabáu pa recoyer les propuestes feches pola clase y pol profesor, asina como los alcuerdos a los que se llegue pa llevar a cabu les actividaes posteriores.
Esti material ufiértanos, per un llau, los conocimientos previos que la clase tien sol tema y, per otru, sirve d’evaluación d’aniciu.
II. Oxetivos.
Que yá tarán medio esbozaos nel alderique, tienen que tar pinchaos nel tablón d’anuncios de la clase, pa que tol mundu pueda velos en cualisquier momentu del desendolque de l’acitvidá. A los propuestos po profesor, amestaránse los que proponga la clase.
III. Actividaes.
• Dividía la clase n’equipos, caún d’ellos inventará un papel curtiu, diálogu o monólogu, pa representar na preba.
• Escoyerá al actor-actriz que va reperesentar esi papel, que tien que drprender.
• Fadrán bocetos del vestuariu que va llevar, fasta atopar ún afayaízu y que tea al so algame.
• Inventarán-y una personalidá, confeicionarán el DNI, un curriculum y semeyes o dibuxos que pueda presentar el día la preba. Tamién, el decoráu si ye menester.
• Toles actividaes sedrán grabes por un equipu de dos reporteros, pasando per tolos equipos ya intentantdo grabar en cada equipu diálogos o negociaciones completes (Estes grabaciones parciales son de gran utilidá porque permiten a la clase, en viéndoles, dir autoevaluándose, reflexonar sobre la llingua qu’empleguen, incorreiciones, entonaciones, pronunciaciones... Amás, al profesor sírven-y pa dir evaluándolos a ellos, xunto colos materiales que van produciendo) El día al preba, los dos reporteros pasen a ser los cámares del direutor y graben toles prebes.
• El direutor, xunto colos cámares, dirán llamando, el día la preba ún per´un a los actores-actrices. Estos tienen que presentase, entregar el DNI y les semeyes y dicir por qué se presenten a esa preba, qué supón pa ellos, pa la so carrera como actor-actriz y contestar les preguntes que-yos faiga’l direutor (que deben tar preparaes de mano) Dempués representarán el papel dque prepararon.
IV. L’acabu.
La evaluación de l’actividá, que yá entamó nel alderique, ha pasar por:
• Evauluación inicial. Yá descrita.
• Autoevaluación. La case va dir evaluando’l procesu dende l’entamu (viendo o oyendo les grabaciones) lo cualo permite dir corrixendo, ratificando o modificando tol procesu sobre la marcha. De igual manera, permíte-y al profesor evaluar el procesu mentantu dure.
• Evaluación final. Posibilidaes:
- Cada equipu cuenta ante la cámara o la grabadora tol procesu que siguió’l so equipu pa realizar l’actividá.
- Visionáu o escucha de tolo grabao y revisión de tolos materiales producíos polos equipos.
- Visionáu, en cámar rápida, ante la clase del procesu, parar el videu nun momentu dau y que l’equipu que naquel momentu ta en pantalla desplique a la clase lo que tán faciendo, cuálu foi’l pasu anterior y cuálu va ser el sugiente.
- Cada equipu completa la ficha siguiente:
- ¿Qué pretendémos?:...
- ¿Camentáis que lo llogramos?:... ¿Por qué?:...
- Dicíi les tres coses que más vos prestaron (y por qué):...
- Dicíi les tres coses que menos vos prestaron (y por qué).
- ¿Qué proponéis p’ameyorar en futures actividaes?:...
- ¿Cómo foi’l trabayu de caún de los miembros del equipu?
• Debate sobre l’actividá, el procesu pa llevala a cabo, el trabayu de los equipos, el de los componentes, el del profesor...
• Proyeutu: Vamos facer un informe detallando lo que ficimos pa mandalu a:
- La prensa
- La radio
- El direutor del Centru
- etc
Berto Cobreros Gil
No hay comentarios:
Publicar un comentario