La Llingua Asturiana nel Pautu PSOE/IU-BA (1)
Nel apartáu d’Educación, la única mención a la LL.A. (Llingua Asturiana) ye un párrafu que diz:
“Aprobación y modificación de los curriculums (sic) educativos. Inclusión de la Llingua (hai que suponer que ye la Asturiana), la música y la cultura tradicional, garantizando su presencia en todos los niveles educativos”.
Que se sepa, los curricula cuantayá que tán aprobaos tratando la Ll.A. como si fuere la hermana probe y paria del curriculum, de la que los promotores del mesmu s’avergoñen y trátenla como lo que ye pa ellos: la cenicienta qu’hai qu’esconder en casa, mentantu les sos hermanes van, visitíes de gala, a los centros educativos. (Suenen nel aire entá les pallabres del señor Riopedre nunes xornaes dedicaes a la Ll.A. na Escuela de Maxisteriu, va unos años, onde dicía que, en teniendo perres, nun vía dalu problema n’estender la enseñanza de la Ll.A. a toles estayes educatives, lo cualo, según los estudios de que disponía, diba beneficiar más que perxudicar. Suenen nel aire tamién otres pallabres más afalagadores, anque paeza imposible, del señor Riopedre pa cola Ll.A. cuando falaba d’ella como llingua vehicular en delles asignatures. ¿ubi sunt aquelles intenciones señor Riopedre?...)
Volviendo al pautu, quiciabes queríen dicir, como sedría lo lóxico, modificación y aprobación... Home si ye asina, ná que dicir: dende agora, escaecíos los malos ratos que nos fizo pasar, podríemos ponenos a trabayar pa aidalos a modificar eso qu’ellos llamen curriculum (siempre suponiendo que se refiera al curriculum de Ll.A.) y dempués que s’aprebe.
¿Plazos, quién, cómo...? (¿Con quién van coordinase los que refaigan el curriculum, cola Conseyería d’Educación o cola supuesta “Oficina de Política Llingüística” de la Conseyería de Cultura?)
Nel apartáu d’Educación, la única mención a la LL.A. (Llingua Asturiana) ye un párrafu que diz:
“Aprobación y modificación de los curriculums (sic) educativos. Inclusión de la Llingua (hai que suponer que ye la Asturiana), la música y la cultura tradicional, garantizando su presencia en todos los niveles educativos”.
Que se sepa, los curricula cuantayá que tán aprobaos tratando la Ll.A. como si fuere la hermana probe y paria del curriculum, de la que los promotores del mesmu s’avergoñen y trátenla como lo que ye pa ellos: la cenicienta qu’hai qu’esconder en casa, mentantu les sos hermanes van, visitíes de gala, a los centros educativos. (Suenen nel aire entá les pallabres del señor Riopedre nunes xornaes dedicaes a la Ll.A. na Escuela de Maxisteriu, va unos años, onde dicía que, en teniendo perres, nun vía dalu problema n’estender la enseñanza de la Ll.A. a toles estayes educatives, lo cualo, según los estudios de que disponía, diba beneficiar más que perxudicar. Suenen nel aire tamién otres pallabres más afalagadores, anque paeza imposible, del señor Riopedre pa cola Ll.A. cuando falaba d’ella como llingua vehicular en delles asignatures. ¿ubi sunt aquelles intenciones señor Riopedre?...)
Volviendo al pautu, quiciabes queríen dicir, como sedría lo lóxico, modificación y aprobación... Home si ye asina, ná que dicir: dende agora, escaecíos los malos ratos que nos fizo pasar, podríemos ponenos a trabayar pa aidalos a modificar eso qu’ellos llamen curriculum (siempre suponiendo que se refiera al curriculum de Ll.A.) y dempués que s’aprebe.
¿Plazos, quién, cómo...? (¿Con quién van coordinase los que refaigan el curriculum, cola Conseyería d’Educación o cola supuesta “Oficina de Política Llingüística” de la Conseyería de Cultura?)
Per otru llau, nun se fala de crear xurídicamente les places de profesor de Ll. A., pa que dexen de ser seudoprofesores, nun se fala de crear un concursu de tresllaos pa los profesores de Ll.A., que trabayen nunes de les más vergoñoses condiciones. Nun se fala de crear los respeutivos Departamentos de Ll.A. en tolos Centros, como los hai d’otres asignatures. Nun se fala d’aumentar l’horariu de l’asignatura, que ye a les clares insuficiente, nin se fala de que compite en desigualdá de condiciones, baxo tolos puntos de vista, con otres asignatures y esto pasa porque nun se fala del estatus de l’asignatura dientro’l curriculum d’Asturies, nel cual nun tendría por qué competir ninguna asignatura. Y nun se fala de too esto por una razón senciella: la Ll.A. nun ye oficial nel so territoriu.
Y esti pautu nun resuelve estos problemes porque ye un pautu que ñaz del retraimientu y de la posición feble d’ IU-BA. Partíos que llevaben nel so proyeutu programáticu la cooficialidá de la Ll.A. Partíos que, sentíase perehí, teníen la llave l’horru. Por cierto, falando de la llave l’horru: en Xixón van meter tolo rellacionao cola Ll.A. nel Pueblu d’Asturies: nel horru del muséu. Otra reliquia más qu’enseñar a los braniantes como les gaites y los preseos de llabranza y la casa mariñana... Y nel pautu col gobiernu, el señor Areces divide (y vencerás) la Conseyería d’Educación y manden tolo que tien que ver cola Ll.A. pal horru de Cultura, ¿pal Serviciu de Promoción Cultural?, pa onde seya pero que tea lloñe de la conseyería d’Educación... Y esos horros, ¿a les órdenes de quién van tar?...Home, d’IU esperábase un pautu asina, pero del BA... (Papel moyao)
Nel apartáu de Cultura, subapartáu de Política llingüística y normalización de la Ll.A., que ye onde-y meten mano de veres al tema de la Ll.A., la cosa ye tan sangrante que nun pue ser más. Vamos ver:
- El Gobiernu va abrir (cuándo, cómo, quién) un profundu análisis de la realidá llingüística d’Asturies...... valorando les medíes que puedan ser un marcu necesariu pa la normalización social de la Ll.A. ¿Otra vez, ho?,¿que ye que nun se conoz la realidá llingüística d’Asturies?,¿cómo nun-y entruguen a l’Academia pa que por enésima vez-yos lo aclare?,¿nun lleen la bibliografía qu’ellos mesmos encarguen?, ¿que tienen que da-y trabayu a la persona qu’ocupe la poltrona de la supuesta “Oficina”?... (Papel moyao).
Y esti pautu nun resuelve estos problemes porque ye un pautu que ñaz del retraimientu y de la posición feble d’ IU-BA. Partíos que llevaben nel so proyeutu programáticu la cooficialidá de la Ll.A. Partíos que, sentíase perehí, teníen la llave l’horru. Por cierto, falando de la llave l’horru: en Xixón van meter tolo rellacionao cola Ll.A. nel Pueblu d’Asturies: nel horru del muséu. Otra reliquia más qu’enseñar a los braniantes como les gaites y los preseos de llabranza y la casa mariñana... Y nel pautu col gobiernu, el señor Areces divide (y vencerás) la Conseyería d’Educación y manden tolo que tien que ver cola Ll.A. pal horru de Cultura, ¿pal Serviciu de Promoción Cultural?, pa onde seya pero que tea lloñe de la conseyería d’Educación... Y esos horros, ¿a les órdenes de quién van tar?...Home, d’IU esperábase un pautu asina, pero del BA... (Papel moyao)
Nel apartáu de Cultura, subapartáu de Política llingüística y normalización de la Ll.A., que ye onde-y meten mano de veres al tema de la Ll.A., la cosa ye tan sangrante que nun pue ser más. Vamos ver:
- El Gobiernu va abrir (cuándo, cómo, quién) un profundu análisis de la realidá llingüística d’Asturies...... valorando les medíes que puedan ser un marcu necesariu pa la normalización social de la Ll.A. ¿Otra vez, ho?,¿que ye que nun se conoz la realidá llingüística d’Asturies?,¿cómo nun-y entruguen a l’Academia pa que por enésima vez-yos lo aclare?,¿nun lleen la bibliografía qu’ellos mesmos encarguen?, ¿que tienen que da-y trabayu a la persona qu’ocupe la poltrona de la supuesta “Oficina”?... (Papel moyao).
Les medíes a desarrollar en materia de política llingüística dientro’l marcu xurídicu actual sedrán (volvemos a topanos una y un cientu veces más cola mesma hipocresía: nun ye oficial, polo tanto cualisquier midía xurídica- qu’habrá que tomales ¿o non?- que s’entame pasa pol rechazu del tribunal superior de xusticia d’Asturies que tará al quite pa baltalo too, o si nun ye asina sedrá pola denuncia que la señora representante del gobiernu n’Asturies faga al respeutu, o si non pol Conseyu d’Universidaes, o si non pol chigreru la esquina...). Y proponen (ya IU-BA firmen ensin saber quién va dirixiles):
• Creación de la Direición Xeneral de Promoción Cultural y Política Llingüística.(¿Pa qué, quiénes, cómo, financiación,...)
• Creación (dientru de l’anterior, a lo que paez: cola indefinición cola que ta fechu’l pautu ún nunca sabe...) de la Oficina de Política Llingüística. Esto de la Oficina suena a daqué que yá hebio y que, nun sabemos si tais al tantu, baltaron ellos mesmos por nun se sabe mui bien qué razones político-estratéxiques... Pero guárdense muncho de dicir en qué va consistir esa Oficina, aparte de ser instrumentos políticos (¿de qué política tamos falando?) y alministrativos (¿sedrá esi el so únicu papel?) de planificación y execución qu’aseguren la coordinación (¿de qué?) coles diferentes alministraciones públiques (¿d’ónde, pa facer qué?), así como’l control y evaluación d’estos programes (¿cuálos programes?). (Papel moyao)
• Definición y desarrollu d’un plan de normalización sociollingüísticu y que, partiendo de les esperiencies esistentes (non, por favor, les esperiencies esistentes son pa ponese a temblar. ¿Refiérense a educación, toponimia, medios de comunicación,...?), respuenda a la nuestra propia realidá. Y too esto ¿cómo, quiénes, financiación y, sobre too, pa qué, si nun ye oficial? ¿Por qué en tol pautu nun se fala d’oficialidá?
• Trata dempués de los criterios de normalización de la variante llingüística con entidad propia denominada gallego-asturiano, conocida tamién como fala, (cada día llamen a les coses por un nome diferente y más llargu, como arrodiando pa nun llamales pol so nome. Por ciertu ¿pa cuando una unificación “oficial” de la terminoloxía?) y diz qu’atenderán a lo plantegao pola Academia de la Llingua Asturiana y les instituciones académiques. Nuna cosa si tamos d’alcuerdu: tien de ser l’Academia (PERO ESTO TIEN DE FACELO YÁ) quien: primero, diga de qué tamos falando; segundo: cómo tien de denomase; tercero: apurrir criterios qu’orienten al poder políticu pa facer una política llingüística amañosa dientru’l territoriu asturianu.. Y dempués, toos a andechar. En cuantes a les “instituciones académiques” de que fala’l testu: a cuáles se refier ¿a les d’Uviéu (yá se manifestaron cuantayá), a les de Madrid (horreur) ...?.
• Reconocimientu y presencia efectiva (?: claro, la qu’hai ye ficiticia) de la Llingua asturiana en tolos niveles educativos. Y vuelta colo mesmo: presencia cómo, ¿como agora? Y pa esto un pactu...?, amás ¿cómo falen d’educación dende cultura? Sofitu a la aprebación de la llicenciatura de Filoloxía Asturiana y al conxuntu de planes d’estudiu universitarios. Y vuelta colo mesmo: nun ye oficial, asina que por muncho que la sofitemos, el Conseyu d’Universidaes va baltala otra vuelta. Y na nuesa Universidá: igual. Insistimos ¿nun se considerará una inxerencia de cultura n’educación?,¿qué va pensar el conseyeru d’educación cuando llea’l pautu?... (papel moyao)
• Correición de la denomación de los contenidos del vitae (sic) nes sos dixebraes estayes (?)............. Esto suena a Llei d’Usu, la que nunca llegó a aplicase...
• Revisión de la política editorial..... Esto suena a Llei d’Usu, la que nunca llegó a aplicase...
• Adecuación formativa y organizativa de les alministraciones públiques..... Esto suena a Llei d’Usu, la que nunca...
• Restitución de la toponimia...Esto suena a Llei d’Usu,...
• Impulsu a la Llingua Asturiana nel conxuntu de los medios de comunicación... Esto suena a...
• Sofitu y reconocimientu efectivu a los diversos axentes..., de manera especial a la Academia... Esto suena a...
• Vienen agora dos puntos mui, mui curiosos...: Unu diz: Fomentu de les espresiones culturales de los coleutivos residentes n’Asturies, (Puntu delicáu... ¿Por qué esti puntu nesti pautu y equí, onde se ta falando de la Ll.A.?¿Nun se fomenten bastante les espresiones culturales de coleutivos como l’andaluz- Feria d’abril-, del sudamericanu ente otros- Salón del Llibru iberoamericanu-, del mundu mundial- Festival Internacional de Cine- de cualisquier escritor de fuera- Selmana Prieta- de cualisquier pintor de fuera- sales d’esposiciones y museos-,... detrayendo munchos d’ellos abondos millones que, paeznos mui bien que se-yos den, pero que nun se-y dan al fomentu de les espresiones culturales d’equí?¿quier dicise que van aumentar los fondos a ellos destinaos?; sigue..., del conocimientu y respetu a la diversidá cultural (!!!). ¿Dúldase de que los profesores d’Asturianu nun fomenten esi respetu? ¿Nun ye daqué que tien que fomentar tou docente, especialmente los de cualisquier llingua, incluyíu’l respetu poles espresiones culturales del coleutivu de falantes d’Asturianu residente tamién n’Asturies?¿Nun deben toos fomentar y respetar la diversidá cultural, como docentes? . L’otru puntu diz: Fomentu del conocimientu y comprensión de la realidá pluricultural y llingüística del Estáu. Esto paecen cuestiones d’un Curriculum más que d’un pautu...¿Qué tien que ver eso cola política llingüística del Asturianu? Eso ye lo que fai tou bon docente, especialmente los qu’enseñamos una o más llingües. Los profesores de cualisquier llingua sostenemos que “cuantes más llingües meyor”.
• Desarrollu reglamentariu total de la Llei d’Usu... ¿Nun suena de risión, si nun fuera tan triste, qu’haya que pautar el desarrollu d’una llei que lleva años parada?
• Desarrollu del ente públicu Radio Televisión Asturias, apostando...dambes fuerces procurarán un ampliu consensu pa la composición de muérganos, funciones y modelu de xestión. Yá, val,... pero ¿en qué llingua van emitir?. Nun se diz. (papel moyao)
En definitiva: un pautu que nun ta pola oficialidá de la Llingua Asturiana, que ta estráu de futuribles, ensin concreción dala, que nos dexa como hai años tábemos: albentestate, ensin compromisos, que nun concreta ná n’Educación porque...evidentemente porque va tar en Cultura al mesmu nivel que la promoción cultural o metida nun horru del Muséu del Pueblu d’Asturies, que de xuru decepcionó a los que teníen puestes esperances n’IU-BA, pero que podía firmalu IU sola, ¿entós pa qué tuvo ehí’l BA?, ¿porque IU atropaba más votos?, eso paez...
Berto Cobreros
• Creación de la Direición Xeneral de Promoción Cultural y Política Llingüística.(¿Pa qué, quiénes, cómo, financiación,...)
• Creación (dientru de l’anterior, a lo que paez: cola indefinición cola que ta fechu’l pautu ún nunca sabe...) de la Oficina de Política Llingüística. Esto de la Oficina suena a daqué que yá hebio y que, nun sabemos si tais al tantu, baltaron ellos mesmos por nun se sabe mui bien qué razones político-estratéxiques... Pero guárdense muncho de dicir en qué va consistir esa Oficina, aparte de ser instrumentos políticos (¿de qué política tamos falando?) y alministrativos (¿sedrá esi el so únicu papel?) de planificación y execución qu’aseguren la coordinación (¿de qué?) coles diferentes alministraciones públiques (¿d’ónde, pa facer qué?), así como’l control y evaluación d’estos programes (¿cuálos programes?). (Papel moyao)
• Definición y desarrollu d’un plan de normalización sociollingüísticu y que, partiendo de les esperiencies esistentes (non, por favor, les esperiencies esistentes son pa ponese a temblar. ¿Refiérense a educación, toponimia, medios de comunicación,...?), respuenda a la nuestra propia realidá. Y too esto ¿cómo, quiénes, financiación y, sobre too, pa qué, si nun ye oficial? ¿Por qué en tol pautu nun se fala d’oficialidá?
• Trata dempués de los criterios de normalización de la variante llingüística con entidad propia denominada gallego-asturiano, conocida tamién como fala, (cada día llamen a les coses por un nome diferente y más llargu, como arrodiando pa nun llamales pol so nome. Por ciertu ¿pa cuando una unificación “oficial” de la terminoloxía?) y diz qu’atenderán a lo plantegao pola Academia de la Llingua Asturiana y les instituciones académiques. Nuna cosa si tamos d’alcuerdu: tien de ser l’Academia (PERO ESTO TIEN DE FACELO YÁ) quien: primero, diga de qué tamos falando; segundo: cómo tien de denomase; tercero: apurrir criterios qu’orienten al poder políticu pa facer una política llingüística amañosa dientru’l territoriu asturianu.. Y dempués, toos a andechar. En cuantes a les “instituciones académiques” de que fala’l testu: a cuáles se refier ¿a les d’Uviéu (yá se manifestaron cuantayá), a les de Madrid (horreur) ...?.
• Reconocimientu y presencia efectiva (?: claro, la qu’hai ye ficiticia) de la Llingua asturiana en tolos niveles educativos. Y vuelta colo mesmo: presencia cómo, ¿como agora? Y pa esto un pactu...?, amás ¿cómo falen d’educación dende cultura? Sofitu a la aprebación de la llicenciatura de Filoloxía Asturiana y al conxuntu de planes d’estudiu universitarios. Y vuelta colo mesmo: nun ye oficial, asina que por muncho que la sofitemos, el Conseyu d’Universidaes va baltala otra vuelta. Y na nuesa Universidá: igual. Insistimos ¿nun se considerará una inxerencia de cultura n’educación?,¿qué va pensar el conseyeru d’educación cuando llea’l pautu?... (papel moyao)
• Correición de la denomación de los contenidos del vitae (sic) nes sos dixebraes estayes (?)............. Esto suena a Llei d’Usu, la que nunca llegó a aplicase...
• Revisión de la política editorial..... Esto suena a Llei d’Usu, la que nunca llegó a aplicase...
• Adecuación formativa y organizativa de les alministraciones públiques..... Esto suena a Llei d’Usu, la que nunca...
• Restitución de la toponimia...Esto suena a Llei d’Usu,...
• Impulsu a la Llingua Asturiana nel conxuntu de los medios de comunicación... Esto suena a...
• Sofitu y reconocimientu efectivu a los diversos axentes..., de manera especial a la Academia... Esto suena a...
• Vienen agora dos puntos mui, mui curiosos...: Unu diz: Fomentu de les espresiones culturales de los coleutivos residentes n’Asturies, (Puntu delicáu... ¿Por qué esti puntu nesti pautu y equí, onde se ta falando de la Ll.A.?¿Nun se fomenten bastante les espresiones culturales de coleutivos como l’andaluz- Feria d’abril-, del sudamericanu ente otros- Salón del Llibru iberoamericanu-, del mundu mundial- Festival Internacional de Cine- de cualisquier escritor de fuera- Selmana Prieta- de cualisquier pintor de fuera- sales d’esposiciones y museos-,... detrayendo munchos d’ellos abondos millones que, paeznos mui bien que se-yos den, pero que nun se-y dan al fomentu de les espresiones culturales d’equí?¿quier dicise que van aumentar los fondos a ellos destinaos?; sigue..., del conocimientu y respetu a la diversidá cultural (!!!). ¿Dúldase de que los profesores d’Asturianu nun fomenten esi respetu? ¿Nun ye daqué que tien que fomentar tou docente, especialmente los de cualisquier llingua, incluyíu’l respetu poles espresiones culturales del coleutivu de falantes d’Asturianu residente tamién n’Asturies?¿Nun deben toos fomentar y respetar la diversidá cultural, como docentes? . L’otru puntu diz: Fomentu del conocimientu y comprensión de la realidá pluricultural y llingüística del Estáu. Esto paecen cuestiones d’un Curriculum más que d’un pautu...¿Qué tien que ver eso cola política llingüística del Asturianu? Eso ye lo que fai tou bon docente, especialmente los qu’enseñamos una o más llingües. Los profesores de cualisquier llingua sostenemos que “cuantes más llingües meyor”.
• Desarrollu reglamentariu total de la Llei d’Usu... ¿Nun suena de risión, si nun fuera tan triste, qu’haya que pautar el desarrollu d’una llei que lleva años parada?
• Desarrollu del ente públicu Radio Televisión Asturias, apostando...dambes fuerces procurarán un ampliu consensu pa la composición de muérganos, funciones y modelu de xestión. Yá, val,... pero ¿en qué llingua van emitir?. Nun se diz. (papel moyao)
En definitiva: un pautu que nun ta pola oficialidá de la Llingua Asturiana, que ta estráu de futuribles, ensin concreción dala, que nos dexa como hai años tábemos: albentestate, ensin compromisos, que nun concreta ná n’Educación porque...evidentemente porque va tar en Cultura al mesmu nivel que la promoción cultural o metida nun horru del Muséu del Pueblu d’Asturies, que de xuru decepcionó a los que teníen puestes esperances n’IU-BA, pero que podía firmalu IU sola, ¿entós pa qué tuvo ehí’l BA?, ¿porque IU atropaba más votos?, eso paez...
Berto Cobreros
(1) Añu 2003. Ensin espublizar.
No hay comentarios:
Publicar un comentario