Ente toos tais matándola y llueu diréis... (1)
...que morrió ella sola (o que nun había consensu o que naide nun la falaba o que detrás d’ella taben los nacionalismos o que fuistis los que más ficistis por ella o que nun yera productiva o que nun yera importante o que yeren restos del español hablado en los lindos valles asturianos o qu’ónde díbemos a parar con esta torre de babel/bable -¿dalguién pilla’l chiste...?- o que nun tien futuru o...)...o cualisquier babayada que se-y ocurra al llistu de turnu, el casu ye siguir dando-y al pueblu circenses pa entretener.
...que morrió ella sola (o que nun había consensu o que naide nun la falaba o que detrás d’ella taben los nacionalismos o que fuistis los que más ficistis por ella o que nun yera productiva o que nun yera importante o que yeren restos del español hablado en los lindos valles asturianos o qu’ónde díbemos a parar con esta torre de babel/bable -¿dalguién pilla’l chiste...?- o que nun tien futuru o...)...o cualisquier babayada que se-y ocurra al llistu de turnu, el casu ye siguir dando-y al pueblu circenses pa entretener.
Tais tan instalaos na vuestra llingua-grandona-con-futuru-competitiva que papulas alienas observat, ipse plurimis ulceribus obsitus, ensin davos cuenta que l’enemigu, d’haber un enemigu, nun ye precisamente l’Asturianu. (Por ciertu ¿dalguién fizo dalgún estudiu sobre qué tantu por cientu de persones, en acabando los estudios ya incorporándose a la vida llaboral, necesita realmente l’inglés pa desarrollar el so trabayu a diario? ) Ente toos tais matándola...:
1. Curricula de Llingua Asturiana pa Primaria y Secundaria 2007-09 (por ser lo más actual):
• Enantes de falar de los curricula, y por mor d’ello de les asombroses coincidencies de les que tamos siendo testigos enmudecíos –y que llueu nos llevarán al títulu del artículu otra vez- vamos mencionar un detalle básicu: ¿dalguién se dio cuenta que la introducción de la Llingua Asturiana (LA) na etapa d’infantil –que ye fundamental- va tar torgada pa siempre? Primer coincidencia. Efeutivamente, cuando un rapacín toma contautu coles instituciones escolares siempre se dixo, y asina lo estudiamos, que ye fundamental que seya recibíu na so llingua materna, que’l profesoráu tien de tar formáu nesa llingua materna –y asina lo reclama’l profesoráu de la etapa en dalguna encuesta. ¿Dalgún estudiosu del tema va sacar, anque yá seya tarde, dalgún ensayu teóricu defendiendo esta necesidá? ¿Entá nun nos decatamos que perdimos esi tren cuantayá, en cuantes se metió l’inglés? ¿Por qué sí ye plausible qu’haya un especialista d’inglés nesa etapa y non ún de LA, según nos consta que se va facer? ¿Por qué pue haber inglés, relixón,... nesa etapa y non LA? D’ehí vien la importancia de la Oficialidá que ye lo único que pue obligar a eses instituciones escolares. Etc...
• La LA en Primaria. Dau’l plantegamientu de curriculum que s’ufiertó a la comunidá educativa, durante bien pocu tiempu por ciertu, la etapa de Primaria ye la gran defraudada esta vez. Hasta agora, l’alumnáu escoyía ente LA o Cultura Asturiana (CA). La escoyeta, xeneralmente, decantábase pola primera: aquello yera’l reinu de la LA. Quien nun escoyía LA, si tenía un poco suerte, en CA podía deprender cuatro cosuques d’Asturies. Acabóse esta historia. Agora, col nuevu curriculum, los que nun quieran dar LA van tener una alternativa que va fomentar les destreces básiques (les nueves pallabres máxiques) en cuestiones llingüístiques, d’almacenamientu de la información, etc. Lo importante yera que la LA reinaba na educación primaria. Agora, col nuevu plantegamientu quéden-y, como muncho, dos o tres años de vida. Efeutivamente, en cuantes un pá o una ma se decaten que si nun va a LA, el so neñu va poder rabilar con un ordenador o estudiar una llingua A o super A o cualesquier otra asignatura con “futuru-económicu-aseguráu” ¿qué va facer esti pá o esta ma?, ¿qué fadríes tu? Segunda coincidencia.
Pero vamos echái un vistazu, más que seya p’enriba, al currículum de primaria. Y nun vamos dir mui p’allá: solamente a la Introducción; dexaremos pa meyor ocasión los Conteníos y la Evaluación. Entrugues que surden: ¿cómo ye que la Introducción d’una llingua (la llingua A) ocupa 3 fueyes y la de Llingua Asturiana ocupa cuatro párrafos?,¿fallos nel “corta y pega”, distinta conceición d’una y otra, distinta valoración, distintu estatus, distintos emplegos?etc…
Más entrugues, ¿cómo ye que mencionándose como se mencionen los aspeutos sociollingüísticos, la situación de billingüismu desequilibráu, de diglosia que carez Asturies, etc... nun se-y pon remediu a esa situación con un curriculum dignu, con un horariu dignu, con una asignatura, en fin, digna?¿pa finar, cómo pue dicise’l siguiente párrafu –qu’apaez nos dos curricula- y quedar tan tranquilu?: "A la hora de plantear, inicialmente, las tareas de enseñanza y aprendizaje es preciso tener en cuenta el entorno lingüístico -particularmente diversificado en determinadas zonas y ámbitos de nuestra Comunidad (?)-, lo que trae consigo importantes diferencias en la competencia lingüística y comunicativa del alumnado. Resulta obligado, por tanto, asumir el citado entorno lingüístico y partir de él para ofrecer modelos lingüísticos que amplíen las posibilidades de comunicación e inserción socio-cultural (?) del alumnado. De este modo, éste consolidará su aprecio y valoración, tanto a la lengua familiar como a las lenguas de enseñanza-aprendizaje (?) y sabrá, en definitiva, valorar positivamente la realidad bilingüe de Asturias, así como la riqueza cultural que ésta representa.
Es fundamental, entonces, prestar una especial atención al uso de la lengua oral. Si bien este principio es de aplicación a la enseñanza de cualquier lengua, en el caso del asturiano su importancia es todavía más manifiesta debido a distintos factores de carácter sociolingüístico: proximidad entre asturiano y castellano, mentalidad diglósica, interferencias entre las dos lenguas" (!), etc.
• Enantes de falar de los curricula, y por mor d’ello de les asombroses coincidencies de les que tamos siendo testigos enmudecíos –y que llueu nos llevarán al títulu del artículu otra vez- vamos mencionar un detalle básicu: ¿dalguién se dio cuenta que la introducción de la Llingua Asturiana (LA) na etapa d’infantil –que ye fundamental- va tar torgada pa siempre? Primer coincidencia. Efeutivamente, cuando un rapacín toma contautu coles instituciones escolares siempre se dixo, y asina lo estudiamos, que ye fundamental que seya recibíu na so llingua materna, que’l profesoráu tien de tar formáu nesa llingua materna –y asina lo reclama’l profesoráu de la etapa en dalguna encuesta. ¿Dalgún estudiosu del tema va sacar, anque yá seya tarde, dalgún ensayu teóricu defendiendo esta necesidá? ¿Entá nun nos decatamos que perdimos esi tren cuantayá, en cuantes se metió l’inglés? ¿Por qué sí ye plausible qu’haya un especialista d’inglés nesa etapa y non ún de LA, según nos consta que se va facer? ¿Por qué pue haber inglés, relixón,... nesa etapa y non LA? D’ehí vien la importancia de la Oficialidá que ye lo único que pue obligar a eses instituciones escolares. Etc...
• La LA en Primaria. Dau’l plantegamientu de curriculum que s’ufiertó a la comunidá educativa, durante bien pocu tiempu por ciertu, la etapa de Primaria ye la gran defraudada esta vez. Hasta agora, l’alumnáu escoyía ente LA o Cultura Asturiana (CA). La escoyeta, xeneralmente, decantábase pola primera: aquello yera’l reinu de la LA. Quien nun escoyía LA, si tenía un poco suerte, en CA podía deprender cuatro cosuques d’Asturies. Acabóse esta historia. Agora, col nuevu curriculum, los que nun quieran dar LA van tener una alternativa que va fomentar les destreces básiques (les nueves pallabres máxiques) en cuestiones llingüístiques, d’almacenamientu de la información, etc. Lo importante yera que la LA reinaba na educación primaria. Agora, col nuevu plantegamientu quéden-y, como muncho, dos o tres años de vida. Efeutivamente, en cuantes un pá o una ma se decaten que si nun va a LA, el so neñu va poder rabilar con un ordenador o estudiar una llingua A o super A o cualesquier otra asignatura con “futuru-económicu-aseguráu” ¿qué va facer esti pá o esta ma?, ¿qué fadríes tu? Segunda coincidencia.
Pero vamos echái un vistazu, más que seya p’enriba, al currículum de primaria. Y nun vamos dir mui p’allá: solamente a la Introducción; dexaremos pa meyor ocasión los Conteníos y la Evaluación. Entrugues que surden: ¿cómo ye que la Introducción d’una llingua (la llingua A) ocupa 3 fueyes y la de Llingua Asturiana ocupa cuatro párrafos?,¿fallos nel “corta y pega”, distinta conceición d’una y otra, distinta valoración, distintu estatus, distintos emplegos?etc…
Más entrugues, ¿cómo ye que mencionándose como se mencionen los aspeutos sociollingüísticos, la situación de billingüismu desequilibráu, de diglosia que carez Asturies, etc... nun se-y pon remediu a esa situación con un curriculum dignu, con un horariu dignu, con una asignatura, en fin, digna?¿pa finar, cómo pue dicise’l siguiente párrafu –qu’apaez nos dos curricula- y quedar tan tranquilu?: "A la hora de plantear, inicialmente, las tareas de enseñanza y aprendizaje es preciso tener en cuenta el entorno lingüístico -particularmente diversificado en determinadas zonas y ámbitos de nuestra Comunidad (?)-, lo que trae consigo importantes diferencias en la competencia lingüística y comunicativa del alumnado. Resulta obligado, por tanto, asumir el citado entorno lingüístico y partir de él para ofrecer modelos lingüísticos que amplíen las posibilidades de comunicación e inserción socio-cultural (?) del alumnado. De este modo, éste consolidará su aprecio y valoración, tanto a la lengua familiar como a las lenguas de enseñanza-aprendizaje (?) y sabrá, en definitiva, valorar positivamente la realidad bilingüe de Asturias, así como la riqueza cultural que ésta representa.
Es fundamental, entonces, prestar una especial atención al uso de la lengua oral. Si bien este principio es de aplicación a la enseñanza de cualquier lengua, en el caso del asturiano su importancia es todavía más manifiesta debido a distintos factores de carácter sociolingüístico: proximidad entre asturiano y castellano, mentalidad diglósica, interferencias entre las dos lenguas" (!), etc.
Talmente paez que les coses tán clares a la hora de plasmar la lliteratura llegal, teórica, preceptiva...pero dempués, nel estatus que la LA ocupa nel sistema educativu asturianu, a la hora de dar trigu, la LA tien de tar onde tien de tar y la llingua A nel llugar que-y correspuende. ¿Dalguién va esplicalo dalgún día? ¿qué fadría un pá o una ma, qué fadríes tu?Tercer coincidencia.
• La LA en Secundaria. No tocántenes a la Introducción (tampoco equí vamos entrar nos conteníos ni na evaluación) nun hai ná que dicir. El problema surde, como siempre, na organización de l’asignatura. Sigui siendo optativa, como siempre, y compitiendo coles llingües super A, ello ye, colos idiomes estranxeros (nin siquier compite col español). Güeyu, naide ta pol llabor de que nun s’estudien: cualisquier profesor/a de llingua, seya la que seya, sabe de la importancia que tien pal alumnu l’estudiu de toles llingües que seya quien a deprender, siempre que se vaya de lo más cercano a lo de más lloñe. Nun ye eso. El problema ye que nun se-y permite al alumnáu esta posibilidá: l’estudiu de toles llingües que seya a estudiar. Nun vamos entrar na importancia (como reconoz el propiu curriculum) del estudiu, dende temprano, del español y LA pa formar alumnos billingües equilibraos. Nun vamos entrar en que con esti horariu y la organización d’optatividá de l’asignatura nun vamos ser a formar esos alumnos. Nun vamos entrar en que ta incumpliéndose la Llei d’Usu (mencionada nel propiu curriculum). Y nun vamos entrar nestos temes porque llevamos entrando nellos munchos años, non. No que sí vamos entrar ye que’l curriculum prevé que los alumnos que necesiten refuerzu en delles asignatures (qué casualidá: ¡español, matemátiques o inglés!) saldrán de la optativa que tengan escoyío p’asistir a esi refuerzu. Colo cualo, los pocos alumnos qu’agora asisten a les clases de LA tendrán que dexales p’asistir a esos refuerzos, porque nun nos engañemos: los alumnos que van a LA son, precisamente, los que necesiten un refuerzu nes materies citaes(¡qué casualidá!).
Los mesmos párrafos que se citen pal curriculum de primaria podríen ponese equí, porque dambos curricula son iguales (la única diferencia ye que’l “corta y pega” en primaria funcionó mal), ya iguales les consecuencies que se siguen a la hora de redactar la lliteratura llegal, preceptiva, que cinca a la consideración de la LA. Ye dicir, siguimos calteniendo, al pesar de dellos párrafos que puen sonar bien nos curricula, el mesmu statu quo de siempre: hai una llingua A superior-con futuru económicu-que val pa dalgo na vida y una llingua B inferior-ensin futuru económicu-que nun val pa nada na vida, y los pas que lleven a los sos escolinos a deprender la llingua B yá saben lo que tán faciendo. ¿Tu qué fadríes?...Cuarta coincidencia.
Llevamos cuatro coincidencies que nos lleven a pensar que too –infantil, primaria, secundaria y yá ni entramos a valorar lo que pue pasar en bachilleratu- ta mui, mui pensao nestos curricula pa qu’ella sola muerra...
2. Lleis, planes, campañes y demás (por siguir con daqué con “solera”):
• Nunca nun vamos cansar de dicir lo mesmo, nun se pue poner el carru delantre los gües, diz el refrán popular, porque son los gües los que tiren del carru y non al revés, como cualisquier persona medianamente formada n’agricultura pue deducir. Cuánta razón tien, nesti casu, el pueblu. Toles lleis, órdenes, avisos, planes y demás que tán perende funcionando o intentándolo o cayendo nel más buxu de los escaezos son el carru, que va delantre los gües, que ye la oficialidá. Nesta tierra de naide tamos instalaos hai yá unos trenta años y, cada vez ta más claro, yá nun nos queden munchos más años de tar. Y esto ye asina porque ente toos tais matándola y llueu diréis que morrió ella sola.
• Hai una llei, que nun queremos duldar de la so bona intención nel momentu de salir, conocía por Llei d’Usu que, llevando más de diez años en vigor, entá nunca nun s’aplicó nin siquier un solu párrafu de so. El motivu ye’l mesmu de siempre: ye un carru delantre los gües. Una llei como esa nun pue obligar a una alministración, que nun tien voluntá de cumplila, si nun hai otra llei superior qu’obligue a esa alministración.
Tamién hai planes de normalización que, con mui bona voluntá, quieren cubrir furacos alministrativos, llegales,…el problema ye que siempre llega un momentu nel que dalguién acaba demostrándote que son otru carru que quier ponese delantre los gües. Voluntá haila por parte de delles persones, pero les lleis son les lleis y, yá lo diximos, son elles los gües que tieren del carru.
Neto que les lleis y los planes pasa coles variades campañes que se planteguen añu tres añu. Una campaña, por mui bien que tea plantegada –qu’eso ye otra-, nun pue obligar a una alministración si nun hai una llei na que tea enmarcada.
Conclusión: ¿qué tamos faciendo? ¿p’hacia ónde vamos?, ¿qué queremos? ¿cómo vamos formar esa identidá individual y coleutiva de la que fala’l curriculum si’l mesmu presidente d’Asturies diz Sobre la reforma del Estatuto de Autonomía, Areces afirmó que el Principado no va a «distraerse» con debates «estériles» sobre cuestiones identitarias en la futura reforma?
Propuestes de futuru:
Ye bien difícil facer dalguna propuesta de futuru con esti panorama que tamos dibuxando. Ye difícil proponer a dalguién que nun quier escuchar, que de mano ta negáu a aceutar dalgo que “nun-tien-futuru-económicu-palpable-pa-mañana”. De toles formes vamos facelo, anque nun se vea que perder l’asignatura de LA nel curriculum d’Asturies significa perder una cosmovisión diferente, una manera dixebrada d’esplicar la realidá, una manera de conformala, de vivila y d’intervenir nella propia d’equí. Ehí van les propuestes pa quien quiera escuchar:
• Llei d’Oficialidá de la LA acompangada d’una Llei económica que permita los pasos siguientes.
Llevamos cuatro coincidencies que nos lleven a pensar que too –infantil, primaria, secundaria y yá ni entramos a valorar lo que pue pasar en bachilleratu- ta mui, mui pensao nestos curricula pa qu’ella sola muerra...
2. Lleis, planes, campañes y demás (por siguir con daqué con “solera”):
• Nunca nun vamos cansar de dicir lo mesmo, nun se pue poner el carru delantre los gües, diz el refrán popular, porque son los gües los que tiren del carru y non al revés, como cualisquier persona medianamente formada n’agricultura pue deducir. Cuánta razón tien, nesti casu, el pueblu. Toles lleis, órdenes, avisos, planes y demás que tán perende funcionando o intentándolo o cayendo nel más buxu de los escaezos son el carru, que va delantre los gües, que ye la oficialidá. Nesta tierra de naide tamos instalaos hai yá unos trenta años y, cada vez ta más claro, yá nun nos queden munchos más años de tar. Y esto ye asina porque ente toos tais matándola y llueu diréis que morrió ella sola.
• Hai una llei, que nun queremos duldar de la so bona intención nel momentu de salir, conocía por Llei d’Usu que, llevando más de diez años en vigor, entá nunca nun s’aplicó nin siquier un solu párrafu de so. El motivu ye’l mesmu de siempre: ye un carru delantre los gües. Una llei como esa nun pue obligar a una alministración, que nun tien voluntá de cumplila, si nun hai otra llei superior qu’obligue a esa alministración.
Tamién hai planes de normalización que, con mui bona voluntá, quieren cubrir furacos alministrativos, llegales,…el problema ye que siempre llega un momentu nel que dalguién acaba demostrándote que son otru carru que quier ponese delantre los gües. Voluntá haila por parte de delles persones, pero les lleis son les lleis y, yá lo diximos, son elles los gües que tieren del carru.
Neto que les lleis y los planes pasa coles variades campañes que se planteguen añu tres añu. Una campaña, por mui bien que tea plantegada –qu’eso ye otra-, nun pue obligar a una alministración si nun hai una llei na que tea enmarcada.
Conclusión: ¿qué tamos faciendo? ¿p’hacia ónde vamos?, ¿qué queremos? ¿cómo vamos formar esa identidá individual y coleutiva de la que fala’l curriculum si’l mesmu presidente d’Asturies diz Sobre la reforma del Estatuto de Autonomía, Areces afirmó que el Principado no va a «distraerse» con debates «estériles» sobre cuestiones identitarias en la futura reforma?
Propuestes de futuru:
Ye bien difícil facer dalguna propuesta de futuru con esti panorama que tamos dibuxando. Ye difícil proponer a dalguién que nun quier escuchar, que de mano ta negáu a aceutar dalgo que “nun-tien-futuru-económicu-palpable-pa-mañana”. De toles formes vamos facelo, anque nun se vea que perder l’asignatura de LA nel curriculum d’Asturies significa perder una cosmovisión diferente, una manera dixebrada d’esplicar la realidá, una manera de conformala, de vivila y d’intervenir nella propia d’equí. Ehí van les propuestes pa quien quiera escuchar:
• Llei d’Oficialidá de la LA acompangada d’una Llei económica que permita los pasos siguientes.
• Creación d’una Conseyería de Política Llingüística y Normalización Social de la LA, con presupuestu y capacidá normativa. Capacidá tresversal d’intervención nel restu de l’alministración.
• Curriculum d’Asturies nel que se contemple la LA nes mesmes condiciones académiques y llegales que’l castellanu. Competencies nel 45% del mesmu.
• Ordenances de la LA nos conceyos.
• Incorporación plena de la La en tolos medios de comunicación públicos y nes empreses arreyaes a ellos.
• Campañes de fomentu del emplegu de la LA na empresa privada.
En fin, pa qué siguir….? Propónse tolo contrario de lo que se ta faciendo.
En fin, pa qué siguir….? Propónse tolo contrario de lo que se ta faciendo.
Berto Cobreros
(1) Nel Boletín del SUATEA. Mayu de 2007
No hay comentarios:
Publicar un comentario